Nehemiah 11

Izakhamizi Ezintsha ZeJerusalema

1Abakhokheli babantu bahlala eJerusalema, kwathi abantu bonke basebesenza inkatho ukukhetha oyedwa etshumini ngalinye owayemele ayehlala eJerusalema, idolobho elingcwele, kuthi abaseleyo abaficamunye bahlale emadolobheni akibo. 2Abantu bawabonga wonke amadoda azinikelayo ukuyahlala eJerusalema.

3Laba yibo abakhokheli bezigodi abayahlala eJerusalema (abanye aba-Israyeli, labaphristi, labaLevi, lezinceku zethempelini kanye labezizukulwana zezisebenzi zikaSolomoni bahlala emadolobheni akoJuda, ngulowo esabelweni sakhe emadolobheni ehlukeneyo,

4kwathi abanye babantu bakoJuda lakoBhenjamini bahlala eJerusalema): Abesizukulwane sikaJuda: U-Athaya indodana ka-Uziya, indodana kaZekhariya, indodana ka-Amariya, indodana kaShefathiya, indodana kaMahalaleli owosendo lukaPherezi; 5loMaseya indodana kaBharukhi, indodana kaKholi-Hoze, indodana kaHazaya, indodana ka-Adaya, indodana kaJoyaribi, indodana kaZekhariya, isizukulwane sikaShela.

6Abesizukulwana sikaPherezi ababehlala eJerusalema babefika 468, amadoda aqinileyo.

7Abesizukulwana sikaBhenjamini: uSalu indodana kaMeshulami, indodana kaJoyedi, indodana kaPhedaya, indodana kaKholaya, indodana kaMaseya, indodana ka-Ithiyeli, indodana kaJeshaya, 8labalandeli bakhe, uGabhayi loSalayi – amadoda afika 928.

9UJoweli indodana kaZikhiri wayenguye induna yabo, loJuda indodana kaHasenuwa wayephethe iSiqinti seSibili sedolobho.

10Ababesuka kubaphristi: uJedaya; indodana kaJoyaribi; uJakhini;

11uSeraya indodana kaHilikhiya, indodana kaMeshulami, indodana kaZadoki, indodana kaMerayothi, indodana ka-Ahithubi, umphathi endlini kaJehova, 12labasekeli babo, abaqhuba umsebenzi wethempeli – amadoda afika 822; u-Adaya indodana kaJerohami, indodana kaPhelaliya, indodana ka-Amuzi, indodana kaZekhariya, indodana kaPhashuri, indodana kaMalikhija, 13labasekeli bakhe, ababe yizinhloko zezimuli – amadoda afika 242; u-Amashisayi indodana ka-Azareli, indodana ka-Ahizayi, indodana kaMeshilemothi, indodana ka-Imeri, 14labasekeli bakhe, ababengamadoda aqinileyo – 128. Induna yabo kwakunguZabhidiyeli indodana kaHagedolimi.

15Ababesuka kubaLevi: uShemaya indodana kaHashubi, indodana ka-Azirikhamu, indodana kaHashabhiya, indodana kaBhuni; 16uShabhethayi loJozabhadi, bobabili bezinduna zabaLevi ababekhangele umsebenzi waphandle kwendlu kaJehova; 17uMathaniya indodana kaMikha, indodana kaZabidi, indodana ka-Asafi, umqondisi owayekhokhela inkonzo yokubonga lemthandazweni; uBhakhibhukiya, engowesibili phakathi kwabasekeli bakhe; u-Abhida indodana kaShamuwa, indodana kaGalali, indodana kaJeduthuni. 18AbaLevi ababesemzini ongcwele babefika 284.

19Abalindimasango: u-Akhubi, loThalimoni labasekeli babo, ababelinda amasango – amadoda afika 172.

20Bonke abanye abako-Israyeli, kanye labaphristi labaLevi, babekuwo wonke amadolobho akoJuda, ngulowo esesabelweni sakwabo esomdabuko.

21Izinceku zethempelini zazihlala entabeni i-Ofeli, ziphethwe nguZiha loGishipha.

22Umlawuli wabaLevi eJerusalema waye ngu-Uzi indodana kaBhani, indodana kaHashabhiya, indodana kaMathaniya, indodana kaMikha. U-Uzi wayengomunye wabazukulu baka-Asafi, ababengabahlabeleli abakhangele inkonzo endlini kaNkulunkulu.

23Abahlabeleli babengaphansi kwezimiso zenkosi, ezaziqondisa ababemele bakwenze izinsuku zonke.

24UPhethahiya indodana kaMeshezabeli, omunye wesizukulwane sikaZera indodana kaJuda, wayengumeluleki wenkosi mayelana lezindaba zonke zabantu.

25Mayelana lemizi kanye lamasimu ayo, abanye babantu bakoJuda bahlala eKhiriyathi Aribha lakweminye imizi eseduze, eDibhoni lemizini eseduze kwayo, eJekhabhizeli lemizana yakhona, 26eJeshuwa, eMolada, eBhethi Phelethi, 27eHazari Shuwali, eBherisheba lemizana yakhona, 28eZikhilagi, eMekhona lemizana yakhona, 29e-Eni Rimoni, eZora, eJamuthi, 30eZanoya, e-Adulamu lemizana yakhona, eLakhishi lamasimu ayo, lase-Azekha lemizana yakhona. Yikho babehlala yonke indawo kusukela eBherisheba kusiya eSigodini sikaHinomi.

31Abesizukulwana samaBhenjamini ababesuka eGebha bahlala eMikhimashi, e-Ayija, eBhetheli lemizana yakhona,

32e-Anathothi, eNobhi, le-Ananiya,

33eHazori, eRama leGithayimi,

34eHadidi, eZebhoyimi laseNebhalathi,

35eLodi lase-Ono, njalo laseSigodini seZingcitshi. 36Abanye bezigaba zabaLevi bakoJuda bahlala koBhenjamini.